Menaxher/e Dyqani

Qyteti

Tiranë

Kategoria

Administratë & Zyrë

Lloji

Me kohë të plotë

Publikuar

7 nëntor 2026

Përshkrimi

Kid Zone shpk, një kompani e njohur retail që operon në Shqipëri që prej vitit 2011 si pjesë e BALFIN Group, ofron një gamë të gjerë me mbi 30,000 produkte, duke u bërë një markë e konsoliduar që plotëson nevojat e të gjitha grupmoshave. Balkan Finance Investment Group (BALFIN) është një nga grupet më të mëdha dhe më të suksesshme të investimeve në Ballkanin Perëndimor. BALFIN Group operon në Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, duke punësuar rreth 5,000 persona. Përmbledhje e Pozicionit: Menaxheri i Dyqanit është përgjegjës për menaxhimin dhe koordinimin e të gjitha proceseve operacionale dhe vendimmarrjes brenda dyqanit. Roli siguron zbatimin korrekt të standardeve të kompanisë, optimizimin e shitjeve, rritjen e performancës së dyqanit, zhvillimin profesional të ekipit dhe forcimin e prezencës së markës në sytë e klientëve duke ofruar një shërbim të shkëlqyer që tejkalon pritshmëritë e tyre. Detyrat: Siguron arritjen e objektivave të shitjeve përmes menaxhimit efektiv të operacioneve, shërbimit ndaj klientit dhe prezantimit të produkteve. Mbikëqyr funksionimin e përditshëm të dyqanit, koordinon ekipin dhe siguron zbatimin e standardeve dhe procedurave të kompanisë. Kontrollon stokun në sallën e shitjes dhe në magazinë, monitoron lëvizjet e mallrave dhe kryen porosi për të garantuar disponueshmëri optimale të produkteve. Organizon oraret, trajnon punonjësit, jep feedback dhe mbështet zhvillimin profesional për të përmirësuar performancën e ekipit. Mbikëqyr procedurat e arkës, saktësinë e transaksioneve dhe respektimin e standardeve financiare dhe të sigurisë. Siguron ekspozimin korrekt të produkteve dhe zbatimin e politikave të merchandising, si dhe saktësinë e çmimeve. Siguron një përvojë pozitive për klientët dhe menaxhon ankesat apo situatat problematike. Monitoron konkurrencën, përgatit raporte dhe kontribuon në vendimmarrje për përmirësimin e performancës së dyqanit. Kandidatët e interesuar mund të dërgojnë aplikimet e tyre në adresën e e-mail-it hr@jumbo.al ose në numrin e telefonit +355682009964.

Kërkesat

• Arsim i lartë
• Të paktën dy vite përvojë në menaxhim (eksperienca në Retail përbën avantazh)
• Njohuri të gjuhës angleze dhe/ose gjuhëve të tjera të huaja
• Njohuri të avancuara të paketës Microsoft Office
• Aftësi për të punuar nën presion dhe për të respektuar afatet
• Aftësi shumë të mira organizative dhe menaxheriale
• Orientim drejt cilësisë dhe performancës
• Integritet i lartë dhe respektim rigoroz i rregullave dhe standardeve
• Aftësi monitoruese dhe motivuese
• Aftësi për përdorimin efektiv të mjeteve të punës
• Aftësi shumë të mira komunikimi dhe punës në grup
• Aftësi për të përballuar situata të ndryshme
• Aftësi për të ofruar shërbim efikas ndaj klientit në çdo kohë